1150/2026-2027

Lawngtlai, 24th June 2026: Vawiin khan Lawngtlai bawrhsap Pu Donny Lalruatsanga chuan MPSC (Combined Technical ) Examination 2025 - a Jr. Grade of Mizoram Horticulture Service (MHS) a inziak tling Pi B. Lalramhlimi, Electric Veng leh Jr. Grade of Mizoram Agriculture Service (MAS) a inziak tling Pu Lalramdinmawia, Chandmary - te chu a Office Chamber- ah lawmpuina a nei.

Pu Donny Lalruatsanga chuan hlawhtlinna changtate lawmpuina hlanin, an thawhrimna, inpekna leh District - tihmingthatu an nihna chu midangte tan entawn tlak tak a ni, a ti a. Lawngtlai District- ah Zirna tihmasawn tura chak taka hmalak mek a nih laiin Mizoram pum huapa mithiam an lo chhuak zel thin chu lawmawm a tih thu a tarlang a. A bik takin kumin bikah MPSC in Exam a buatsaihah Lawngtlai District- atanga lawmpuina hlan tur an awmfo chu thinking taka lawmawm a tih thu a tarlang a. Zirnaah Zirlaite piah lamah Zirtirtu leh nu leh Pate an pawimawh tak zet tiin, zirna lama hmasawn tura tan la thar zel turin a chah a. Bawrhsap chuan sawrkar hnathawkte chu ram leh mipuite tana thawk tur an nih angin vawiina hlawhtlinna changte pawh sawrkara an luh hunah thahnem ngai leh rma hmangaihna nen a thawk turin a chah nghal bawk.

Bawrhsap Pu Donny Lalruatsanga chuan  Pi B. Lalramhlimi leh Pu Lalramdinmawia, hnenah hian lawmpuina 'Memento'  leh pawisafai a hlan  a ni.