4857/2025-2026

Lawngtlai, the 17th March, 2026 : Vawiin chawhma dar 11:00 AM khan DC's Conference Hall, Lawngtlai ah DCSO, Lawngtlai buatsaihin 'World Consumer Rights Day 2026' hman a ni a, Bawrhsap Pu Donny Lalruatsanga chu khuallian niin a hmanpui.

Khuallian Pu Donny Lalruatsanga chuan kalkhawmte chibai bukna a nei a. Khuallian chuan mi zawng zawng Consumer kan ni vek a, Consumer- te chu Dan hnuaiah an Dikna chanvo tha takin humhalh an ni a, mamawhtu kan nihnaah, kan mamawh kan lakna ten min palzut a rem lo a ni, a ti. Consumer- ten an dikna chanvo an hriatchiana, an ngaihven peih a tul thu a sawi. Khuallian chuan Lawngtlai District - ah District Consumer Protection Association - thatak a awm chu lawmawm a tih thu sawiin, Consumer ten Association hmang tangkai thiam se a duh thu a tarlang bawk a ni.

Hun kaihruaitu Pi Vanlalhlupuii Fanai, President, Lawngtlai District Consumer Protection Association, chuan Consumer- te chu lal an ni a, mamawh kan leiin, a hralhtu ten an mahni dawr tute lungawina an ngaihpawimawh a tul hle a ni a ti.

World Consumer Rights Day, 2026- ah hian thupui 'Safe Products, Confident Consumers' tih chu Pu C.Lalrinfela, Advocate, District Court chuan sawizauna neiin, Consumer te dikna chanvo leh tihtur leh tihloh tur fiah leh kim takin a sawi,zawhna leh chhanna hun hman a ni bawk.

World Consumer Rights Day hman hi Pu Lianchhuma Chinzah, DCSO, Lawngtlai chuan lawmthu sawiin a khar a ni.