4858/2025-2026

Dated Siaha, the 17 March, 2026 : Vawiin chawhma dar 11:00A.M khân DRDO Conference Hall, DC Office Complex, Siahaah World Consumer Rights Day 2026 hman a ni a, Pu Laldinpuia Sailo, SDC Siaha chuan khuallian niin a hmanpui. Kumin thupui chu 'Safe products, confident consumers' tih a ni.

Thu sawiin Pu Laldinpuia Sailo chuan, 'Mihringte hi inmamawh tawn vek kan ni a, eng emaw kawngah chuan consumer kan ni vek a; vawiin hi kan vaia tán ni pawimawh a ni,' a ti. Lei leh hralh chungchangah mi pahnih an lungawi a ngaih thu khuallian hian sawiin, a leituten lungawi taka thil kan lei theih nân a zuartuten thil ṭha leh rintlak an zuar tur a ni a, dawrtute ngaihsak kawngah pawh ṭan lâk a ngai a ni a ti. Online shopping titute hian sumdawnna a ti ṭhang nasa a. Mipui lungawina pek an tum avangin an ṭang bawk a, chu chuan tualchhunga sumdawngtuteah ṭanna nasa tâk a pek a beisei thu khuallian hian a sawi bawk.

Vawiin hun hmannaah hian department official, consumer club aiawh leh tlawmngai pawl aiawh an tel a. Dr. Chawngkhuma Chawngthu, President, District Consumer Union, Siaha-in a kaihruai a, Pu M. Vanlalduata, DCSO, Siaha-in kumin thupui 'Safe products, confident consumers' tih thupui hmangin thu a sawi a, Pu L. Mahu, SI FCS&CA, Siaha-in lawmthu sawina a nei a, hun hman tih tawp a ni.