4859/2025-2026

Dated : Mamit the 17th of March, 2026 : Vawiin khan I&PR Conference Hall, Mamit-ah World Consumer Rights Day hman a ni a. Pu Suvigya Chandra, IAS, Chairman District Consumer Protection Council/ District Bawrhsap ni bawk chuan khual Lian niin a hmanpui.

Khuallian chuan World Consumer Rights Day hmangtute chibai bukin kan thil lei leh hralhah fimkhurna chang kan hre tur a ni a,department anga in ven theih leh hriat sen a nih loh avangin consumer in a huam mipuite hian kan chanvo ang taka a man kan pek nena inphu kan lei em tih kan chian a ngai a, online a ni emaw, kan thil lei leh hralhah lungawih lohna kan neih chuan a thlenna tur kan nei a, chumi document atan thil leina receipt lak nachang kan hriat a tul thu a sawi bawk.

District chhung mipui te'n kan dikna chanvo hum him theuh turin tih theih kan nei a ni tih in hre thar theuh turin a chah bawk.

Pu F. L Rinngeta, President, Mamit District Consumer Union pawhin thusawiin dikna duhtute tan Consumer hnuaia dan leh dun zawm a har lo a, kan chanvo kan hriat loh avangin kan dikna ngei ngei pawh ngawi bo pui mai kan awm thin a, chuvangin kan chanvo hrechiang tura kan inzir a pawimawh thu a sawi.

Kumin World Consumer Rights Day thupui atan hian “Safe Product, Confident Consumers”tih chu hman a ni.

He hun hi Pu Lalneihkima, DCSO, Mamit chuan a kaihruai a, Pu Laldawngzela, AO, District Civil Supplies Officer, Mamit chuan lawmthusawina a nei bawk.

Kalkhawmte atangin sawi hona hun hman a ni a, Department aiawha kal te'n thusawina neiin he hunah hian Mamit khawpui chhunga lei leh hralh kawnga mawhphurhna la te, Retailer te leh sawmbikte a tel a ni.