1420/2026-2027

Lawngtlai, the 16th July, 2026 : Vawiin chawhnu dar 2:00 PM  khan Deputy Commissioner, Lawngtlai Office Chamber-  ah Bawrhsap Pu Donny Lalruatsanga kaihhruaiin Khuarel chhiatna vanga inkalpawhna kawngpui ping thin vanga  nitin mamawh eichawp thila harsatna a thlenloh nana hmalakna kalmek leh hmalak dan tur ngaihtuahin thutkhawmna neih a ni.

Pu Donny Lalruatsanga chuan kalkhawmte hnenah lawmthu a sawi a.Dawrkai leh sumdawngte chu khuarel chhiatna avanga an bungruate a man pangngai piahlama tisanglo tur leh;  manto zawka hralh tuma chheprelh loh turin a chah a. Chutiang  tih chingte chu dan hmanga hrem theih an nih thu tarlangin, mipuiten an mamawhna hriaa dik taka bungrua hralh thin tura chahin, thuiawihlote chungah dan anga hmalak a nih tur thu a sawi. Bawrhsap chuan   nitin mamawha  harsatna thleng thei ven kawngah LADC,  Village Council leh Young Lai Association hmalak thinna chu fakawm a tih thu a sawiin, District Administration - in chak zawka hma a lak tur thu a tarlang bawk.

Thutkhawmah hian sumdawnna hmunpui Lawngtlai Bazar Veng hruaitute chuan an hmalak thin dan sawiin, kawngping vanga bungrua lut a awm hleihtheihloh lai chuan mipui ten harsatna an  tawh loh nan  Revenue Department, LADC - te nen inrawntlanga hmalak thin a nih thu an sawi a. A bik takin ram pawn lama eichawp thil thawnchhuah an remtihloh thu ngaihthlak a ni a. Khuarel chhiatna vanga harsatna thleng denchhena bungrua chheprelh leh manto zawka hralh an awm leh awmlohte LADC,  Veng hrang hrang VC leh YLA hruaituten a angin lo enfiah thin se an ti a. Hemi atan Committee emaw Squad-  din tha tih niin, a tul angin DC Office-  lamin lo bawhzui se an ti a ni.

Vawiin Meeting-  ah hian Addl.DC; Addl. SP; Revenue Officer, LADC; SDC; Taxation Department aiawh;  President, VC Association, Bazar Veng VC leh YLA bakah MJA hruaitute an tel a,  Bawrhsap chuan lawmthu sawiin thutkhawm hi a khar.