1421/2026-2027

Aizawl, 16th July 2026: Pu B. Lalchhanzova, Hon’ble Minister of Food, Civil Supplies leh Consumer Affairs chuan vawiin khan NABARD, Mizoram Regional Office-in a din champhai 45-na 'Foundation Day' chu Conference Hall, NABARD RO MINECO, Khatla, Aizawl-ah lawmna hun a hmanpui.

Thu sawiin Minister Pu B. Lalchhanzova chuan kuthnathawkte hmasawnna kawngah NABARD chuan a thawk tha hle nia a hriat thu a sawi a. CODNERC Chairman a nih chhunga Thenzawl Handloom Cluster Project sanction hmanga Mizoram handloom sector chawilar a nih dan te a sawi a. NABARD chuan rural development atana hma an lak danah tualchhung/ khawtlang boruak mil zelin leh mipui mamawh ang zrla hma la zui zel turin a chah a ni.

Vawiin hunah hian Pu Bhaskar Manta, General Manager (OIC), NABARD chuan kalkhawmte lawmna thu a sawi a. Mizorama NABARD hmasawnna tura hmalakna leh hlawhtlinna hrang hrangte tarlangin, State chhunga institution hmalakna hrang hrangte Pu Lalrokunga Chhakchhuak, DGM, NABARD chuan a tarlang a ni. bawk.

"Women-Led Development in Agriculture in Mizoram" (hmeichhe kaihhruai agriculture hmasawnna) tih thupui hmangin Prof. Lalhriatpuii, Department of Economics, Mizoram University chuan presentation a pe bawk.

Pu T. Lhungdim, General Manager, RBI te, Mizoram Rural Bank-a Chairperson Sheryl Pi L. Vanchhong leh Pu A. Lallungmuana, CEO, Mizoram Cooperative Apex Bank (MCAB) ten thu an sawi bawk a ni.

He hunah hian NABARD hnuaia puihna dawngtu Farmer Producer Organisation (FPO)-te thil siamchhuah pholanna exhibition buatsaih a ni a, Mizorama NABARD-in a inrawlhna hmanga loneitu pawl leh thingtlang lama hmalakna hrang hrangte hlawhtlinna tarlanna a ni.

NABARD hi agriculture leh thingtlang hmasawnna (rural development) atana development financial institution sang ber (apex) atana kum 1982 khan din a ni a. Ram pumah kawng hrang hrangin hmalak a ni.