1874/2026-2027

Lawngtlai,  20th August, 2026 : Vawiin chawhma dar 11:00 AM  khan Lawngtlai Bawrhsap Pu Donny Lalruatsanga kaihhruaiin a Office Chamber-ah Patanjali Foods Limited, Oil Palm Division Lawngtlai leh Oil Palm Transportation Vaseikai Seed ten Oil palm tiak phurh man inpek loh chungchangah inbiakna an nei.

Pu Donny Lalruatsanga chuan kalkhawmte chibai bukin Oil Palm Transportation, Vaseikai Seed leh Panjali Foods Limited, Oil Palm Division Lawngtlai  atanga lehkha hmuh a nih anga thutkhawm a nih thu a sawi a. Sumdawnna kawngah harsatna  awm palh thei a ni a, thu inhmuh loh vang pawh a ni thei tiin,dawhkan khat kila chinfel a tul thin a ni, ti a. Patanjali Foods Limited, Oil Palm Division Lawngtlai leh Oil Palm Transportation Vaseikai Seed harsatna neih pawh tha taka chinfel a pawimawh thu a sawi bawk.

Thutkhawmah hian Oil Palm Transportation, Vaseikai Seed  lam hian kum 2024 atang khan Oil Palm tiak an phur tan tih sawiin, kum  2025 leh 2026 a Oil Palm tiak an phurhna man an la dawn loh thu ngaihthlak a ni a.  Patanjali Foods Limited/ Oil Palm Division Lawngtlai aiawh Pu K Lalhmangaihzama, Sr.Officer chuan kum  2024 ah Transportation man pek a nih thu sawi thungin, kum  2025 atang khan  Sawrkar atanga 'Transportation Fund' hmuh a nih loh thu sawiin, Director leh Secretary hnenah lekha thehluh tawh niin , chhanna an la dawn loh thu ngaihthlak a ni bawk a. Sawrkar atanga 'Transportation Fund'  a  awm tawh loh avangin, chhanna lehkha an dawn hnu ah, Panjali Foods Limited/Oil Palm Division Lawngtlai chu thlahnih chhung ngeia Oil Palm Transportation,  Vaseikai Seed harsatna tawhte chingfel tura rel a ni.

Thutkhawm ah hian SDC, ADAO, Panjali Foods Limited/Oil Palm Division Lawngtlai leh Oil Palm Transportation Vaseikai Seed aiawh te an tel a, Bawrhsap chuan tluangtaka thutkhawmna neih a ni chu lawmawm tiin thutkhawm hi a khar a ni.