4870/2025-2026
Lawngtlai, the 17th March, 2026 : Vawiin chawhnu dar 1:00PM khan DC's Office Chamber, Lawngtlai ah Bawrhsap Pu Donny Lalruatsanga kaihhruainna in Regulation of Essential Commodities (POL & LPG) chungchangah thutkhawmna neih a ni.

Bawrhsap Pu Donny Lalruatsanga chuan member kalkhawmte hnenah lawmthu a sawi a. West - Asia buaina vangin tun dinhmun ah Lawngtlai District ah Oil leh Gas ah harsatna a awm lova,mipui tan chiâina tur a awm lo a ni a ti a.Thuneitu sang zawk atanga engemaw thulh ah lo invenlawk dan tur ruahman tura tih an nih thu sawiin, mipui chiai-na tur nilovin, mipui hmakhua sut enna tur zawk a ni a ti. Oil leh gas- ah hnianghnar tura District Administration - in theihtawp a chhuah reng thu a sawi bawk a ni.

Thutkhawmah hian DCSO, Lawngtlai hnen atang leh Filling Station leh Gas Agent report atangin Oil leh Gas dinhmun a tha a, nidang an phaklohna a awmloh thu ngaihthlak a ni. Petrol leh Diesel bik ah Filling Station ten Litres 8000 an neih chin ah a hlawm a hralh leh bur a dawh remtilo se, Litres 5000 an neih chin ah DCSO atanga Permit hmanga pekchhuah nise an ti a, Filling Station te dinhmun chu DCSO leh Police inkawp ten karkhat ah vawi hnih (Thawhtan ni leh Ninga Ni) ah enfiah thin se tih a ni.

Eirawngbawlna Gas bik ah Agent lam chuan Gas chu a ruka hralh theih a nihloh thu sawiin, system tha tak kalpui nih vangin Card neilo tan laktheih a nilo an ti a, tunhnai ah Gas lak theihdan tihdanglam a nih thu sawiin, Khawpui huamchhung ah Gas an lak atanga Ni 25 a ral loh chuan laktheih a ni lova, Thingtlang ah Ni 45 chhung a tlak a ngaih thu sawilan a ni.

Vawiin thutkhawm chuan Joint Control Room ruahman tha a ti a, Deputy Commissioner, Superintendent of Police, DCSO leh DIPRO ten an vil ang a, mipui hriat tur pawimawh te DIPRO in puangzar leh chhuah zel nise tih a ni bawk.

Vawiin Meeting ah hian LADC leh CADC aiawh, S.P, 3rd IR Battalion Commandant, Filling Station leh Gas Agent aiawh bak ah President Central YLA, President VC Association leh MJA Lawngtlai hruaitute an tel a ni.