Lawngtlai Bawrhsap Pi Shashanka Ala, IAS chuan nimin (06.08.2019) khan Lawngtlai District chhimthlang lam Hruitezawl tlawhin, Lawngtlai District Rural Development Agency (DRDA)-in Lawngtlai District chhunga Pradhan Mantri Krishi Sinchayee Yojana (PMKSY) hnuaia kut hna thawktute thar chhuah tipung tura hma lakna an kalpui meka kuhva leh thlai dang ching tura thlante bul a tanpui.

Lawngtlai Bawrhsap chuan Hruitezawl khuaah hian PMKSY Watershed Development Component Project-VIII hnuaia kuhva leh thlai dang ching tura thlante bul tanpui nan kuhva leh ser (Assam Lemon) tiak phunin, kut hna thawktute chu thahnem ngai taka thawk turin a chah a, duhsakna a hlan bawk.

Bawrhsap hian Sarva Shiksha Abhiyan (SSA) sikul leh Presbyterian Kohhran sikul te a tlawh nghal a. Sikul building leh zirna dinhmun te a en bakah, "Kan Sikul, Kan Huan" Project hnuaia sikul bula thlai an chin te enin, tha a tih thu a sawi a. Khaw chhunga sikul kal rual naupangte'n sikul an kal vek theihna tura tan la tur leh sikul huan chu uar zawka chhunzawm zel turin sikula zirtirtute chu a chah.

Hruitezawlah hian Lawngtlai Bawrhsap hi khawtlang huapa lo hmuah niin, khawtlang hruaitute chuan an khuain mamawh an neih hrang hrangte chu a hnenah hian an lo thlen a ni.