No.821/2020-2021

COVID-19 laka him nana Mizorama ni 04.05.2020 atanga ni 17.05.2020 chhunga inkharkhip thawh thumna kalpui tur chungchangah Lawngtlai Bawrhsap Pi Shashanka Ala, IAS chuan nimin khan Lawngtlai District chhunga mipui nawlpui hriat tur leh zawm tur a hnuaia mi ang hian hriattirna a chhuah.

1. Lockdown hun chhung hian mi panga (5) aia tam pun khawm khap tlat a ni.

2. Tul bik thilah lo chuan tu mahin mahni in leh compound an chhuahsan tur a ni lo.

3. Tlai dar 7:00 leh zing dar 4:00 inkarah pawn chhuah khap tlat a ni. Hei hian COVID-19 chungchanga duty-te leh Deputy Commissioner-in phalna a pekte a huam lo vang.

4. Loh theih loh thil a nih loh chuan, kum 65 chin chung lam te, taksa hriselna lama harsatna nei sa te, nau pai te leh naupang kum 10 hnuai lam te chu mahni in chhungah inkharkhip tur a ni.

5. Pawn chhuak tur leh damdawi ina kal tur reng reng chuan face mask emaw, hmanraw dang hmangin emaw hmai an tuam ngei tur a ni.

6. Vantlang hmun leh dawra kalte chu fit ruk (6) tala inhlata awm tur a ni.

7. Ram pawn atanga lo lut mikhualte tu mahin thlen (mikhual) phal a ni lo. Hei hian Home Department emaw, Deputy Commissioner-te atang emawa phalna neite a huam lo vang.

Attachment

  • Loading attachment...