Vawiin khan Lawngtlai DC Dr A. Muthamma IAS chuan Sihtlangpuia IWMP hnuaia Soil Department hma lakna a en.

Lawngtlai DC hi Soil & Water Conservation Department, Lawngtlaia District Officer Pu F.Lalramnghinglova leh staff dangte bakah, Lawngtlai DIPRO Pu C.Lalhruaitluanga te'n an tawiawm a. Vawiin hian IWMP-II-a Soil Department PIA-na hnuaia Rubber Plantation te, lei (bridge) dawh te, community water tank siam te leh waiting shed sak te enin, Soil Department "Rubber Nursery" pawh a en nghal a. Hna thawh chin chu tha thawkhata a hriat thu sawiin, hlawhtling leh zual turin thawh dan tur ruahmanna fel tak neih a pawimawh thu a sawi.

DC hian Sihtlangpui khaw daia awm JNV sikul pawh tlawh nghalin, sikul dinhmun a en fiah a. Zirtirtute leh sikul naupangte a titipui bakah, hmeichhe hostel tur sak mek chu a hun taka zawh hman tum tur leh ruahman dan anga tha taka sa turin contractor-te a hrilh bawk.