Tunkar chho khan Lawngtlai DC Dr A. Muthamma IAS chuan Lawngtlaia Mizoram sawrkar hnuaia office hrang hrang fang kualin, an dinhmun a en fiah.

Lawngtlai DC hi SDO (Sadar) Pu V. Laldinsanga MCS chuan a tawiawm a. Supply, Agriculture, Soil & Water Conservation, Horticulture, Medical, AH & Vety leh PWD office te tlawhin, an dinhmun leh inrelbawl dan tlangpui a en fiah a. Officer leh staff-te chu tha taka office kai thin tur te, hun vawng dik tur te, an hna chanpual tha taka hlen chhuak thin tur te, mipuite tana dawr nuam taka awm tur te leh Lawngtlai District hmasawn nana theih tawp chhuah tur te'n a chah a ni.