Lok Sabha Inthlanpui 2019 lo awm tur inbuatsaihna peng pakhat atan District mipuite'n electronic voting machine (EVM) leh voter verifiable paper audit trail (VVPAT) an lo hriat chian a, vote thlak huna tih dan tur an lo hriat lawk theih nan Lawngtlai Bawrhsap office-ah vote thlak chhinna tur static EVM booth hawn a ni.

Vawiin khan Mizoram Journalists' Association (MJA) Lawngtlai District te chuan Lawngtlai DIPRO Pu C. Lalhruaitluanga hovin he static EVM hi enin, vote an thlak chhin a. Mipuite zirtir nan thil ?ha tak nia an hriat thu sawiin, pawl leh mimal paw'n tlawhin en hlawm se an tih thu an sawi.

He booth-ah hian vote nei thar, EVM la hmelhriat lo leh a duh apiangin vote thlak chhin theih a ni a. A enkawltute hnenah EVM leh VVPAT hna thawh dan pawh zawh chian theih niin, District Election Office-a thawkte chuan he static EVM hi hmang ?angkai ?heuh turin mipuite an sawm a ni.

EVM leh VVPAT chungchang inzirtir nan hian block tina BDO office-ah static EVM dah tum a la nih bakah, khaw hrang hrangah mobile awareness van-in phurh kual tum a ni bawk.

Attachment

  • Loading attachment...