Election Commission of India (ECI)-in Lok Sabha Inthlanpui 2019 hun tuk (schedule) a tihchhuah bawhzuiin, vawiin khan Lawngtlai District Election Officer (DEO) Pi Shashanka Ala, IAS chuan model code of conduct (MCC) chu inthlan zawh fel vek hun (May ni 27, 2019) thleng hman nghal tur a nih thu hriattirna a chhuah a. Lawngtlai District chhunga MCC Team, Sector Magistrate, Sector Police Officer, Static Surveillance Team, Flying Squad Team, Video Surveillance Team leh Video Viewing Team zawng zawng chu mimal emaw, pawl emaw, candidate emaw, candidate agent emaw, political party emaw te'n MCC an bawhchhiat leh bawhchhiat loh tha taka vil tur leh MCC bawhchhia an awm chuan thuneitu hnena thlen zel turin a hriattir.