2837/2023-2024

Lawngtlai dated 23rd November 2023: Vawiin khan DC Conference Hall, Lawngtlaiah MLA inthlanna a vote chhiar tur, Counting Official-te tan training buatsaih a ni a. Pu Abraham Beirazi Khithie, Addl. DC chuan training hawnna hun hi hmanpuiin Pi Rochuangkimi Khenglawt, Project Director, DRDO, Pu Denny Lalrinawma, Election Officer leh Pu Collin Hlychho, BDO, Lawngtlai ten training hi an pe a ni. 

Counting Official-te zingah hian Counting Supervisor, Counting Micro observer leh Counting Assistant-te an tel a. Vote chhiar hun a mawhphurhna hrang hrang inhrilhhriatna hun hman a ni. Lawngtlai district chhung a Vote tla chhiarna tur hian Govt. Lawngtlai College-ah Counting Centre pathum ruahman a ni a. Vote chhiarna dawhkawn hi a vaiin 39 ruahman niin Counting Supervisor, Counting Micro Observer leh Counting Assistant atan mi 187 ruat an ni. Counting Official-te thutna tur tihchianna, 2nd Randomization hi December ni 2, chawhma dar 10:00 ah neih a ni ang.