Lawngtlai District chhunga Lai Autonomous District Council (LADC) hnuaia 5-Lungtian MDC Constituency leh Chakma Autonomous District Council (CADC) hnuaia 9-Ugudasury 'S' MDC Constituency-a by-election neih turah mipuite'n zalen leh thlamuang taka vote an thlak theih nan Lawngtlai Addl District Magistrate Dr Andrew H. Vanlaldika MCS chuan CrPC (Code of Criminal Procedure) section 144-na tlawh chhanin he'ng MDC Constituency huam chhungah te hian phalna la hmasa lo chuan pawl emaw mimal emawin aurinna (loudspeaker) hman phal a nih loh thu hriattirna a chhuah.

He thupek hian sut a nih loh chuan chhuah a nih ni, ni 27.05.2019 a?anga thla hnih (2) chhung a huam ang a; a zawm lo leh bawhchhia chu IPC (Indian Penal Code) section 188-na hmanga hrem an ni ang.