Lawngtlai District chhunga Lai Autonomous District Council (LADC) hnuaia 5-Lungtian MDC Constituency leh Chakma Autonomous District Council (CADC) hnuaia 9-Ugudasury 'S' MDC Constituency-a by-election neih turah tluang taka vote thlak a nih theih nan Lawngtlai Addl District Magistrate Dr Andrew H. Vanlaldika MCS chuan he'ng MDC Constituency huam chhungahte hian silai lek chhuah a khap.

Silai lek chhuah khapna hi May ni 27, 2019-a MDC by-election neih tur puan a nih veleh chhuah ve nghal a ni a. He thupekah hian silai nei zawng zawng chu an silaite mahni in lamah him taka kawl vek tura tih niin, silai lek chhuak an awm a, man an nih chuan an chungah dan anga hremna lekkawh a nih tur thu tar lan a ni.