2251/2023-2024

Lawngtlai dated 10th October 2023: Vawiin khan DC Conference Hall, Lawngtlaiah MLA inthlanpui kalpuina tur a mawhphurhna hrang hrang nei te hnen ah training pek an ni a. Pi Margaret J Vanlalremmawii, SDO(S) chuan hun kaihruaiin Election Expenditure Monitoring Team, Flying Squad Team, Static Surveillance Team, Video Surveillance Team, Video Viewing Team leh Account Team-te an tel a ni.

Pi Margaret J Vanlalremmawii, SDO(S) chuan MLA inthlanna felfai kalpui a nih theih nan inpuahchahna tha neih a pawimawh thu sawiin chanvo hrang hrang nei ten an mawhphurhna an hriat chian lehzual theih nan Training chu uluk tak a tel turin leh an thil hriat loh te zawh fiahna hun tangkai a hmang turin kalkhawmte a chah a. Mahni mawhphurhna theuhte tha tak a hlenchhuak thei turin a fuih bawk a ni.

Training hi Pu Chinlianmanga, Sangau SDO(C), Pu Collin Hlychho, BDO, Lawngtlai leh Pu PL Hrangkhama, Nodal Officer for Expenditure Monitoring-ten an pe a ni. Lawngtlai district-ah hian Voter 91439 awmin 36-Tuichawng Assembly Constituency-ah voter 36042 an awm a, 37-Lawngtlai West ah voter 29493 awmin 38-Lawngtlai East ah voter 25904 an awm bawk a ni. Voter awm zat atanga 45685 chu mipa an ni a, 45754 chu hmeichhia an ni a. Lawngtlai district-ah hian Service Voter 232 awm anga chhinchhiah a ni bawk.