Vawiin khan Lawngtlai District Level NLUP Monitoring Committee chu Lawngtlai DC Conference Hall-ah Bawrhsap Dr A. Muthamma IAS hovin an thu khawm a. Lawngtlai District-a NLUP hma lakna leh hlawhtlin dan an thlir ho. 

He hunah hian line department-te chuan powerpoint presentation hmangin an department hnuaia NLUP an kalpui dan an tarlang a. NLUP chu sawrkarin a beisei ang taka a dawngtute'n an hlawhtlinpui a, an chhawr ngei theih nana hma lak dan tur te sawi ho a ni. 

Lawngtlai District chhungah hian AH & Vety Department chuan NLUP beneficiary 3813 (1st Phase - 1512; 2nd Phase - 1414; 3rd Phase - 575 & 4th Phase - 312) an nei a. Fisheries-in beneficiary 545 (1st Phase - 287; 2nd Phase - 145; 3rd Phase - 77 & 4th Phase - 36) an nei thung. 

Agriculture Department hnuaiah NLUP dawngtu mi 3722 (1st Phase - 1483; 2nd Phase - 1034; 3rd Phase - 832 & 4th Phase - 373) an awm a. Industries hnuaiah beneficiary 1769 (1st Phase - 500; 2nd Phase - 811; 3rd Phase - 279 & 4th Phase - 179) an awm bawk. 

Horticulture-in beneficiary 2688 (1st Phase - 1679; 2nd Phase - 719; 3rd Phase - 188 & 4th Phase - 102) an nei a. Environment, Forest & Climate Change Department-in beneficiary 331 (1st Phase - 94; 2nd Phase - 88; 3rd Phase - 107 & 4th Phase - 42) neiin, Soil & Water Conservation Department chuan beneficiary 805 (1st Phase - 246; 2nd Phase - 311; 3rd Phase - 182 & 4th Phase - 66) an nei a ni. 

Lawngtlai District-ah hian line department tin hian NLUP tanpuina hi 1st & 2nd Phase chu an sem zo vek tawh a. 3rd & 4th Phase hi 3rd instalment emaw final instalment emaw pek la bak te a ni hlawm.