267/2026-2027

Lawngtlai, the 24th April, 2026: Vawiin chawhma dar 11:00 AM khan District Agriculture Marketing Committee (DAMC) Lawngtlai District chu Bawrhsap leh Chairman ni bawk Pu Donny Lalruatsanga hovin DC Conference Hall- ah  an thukhawm.

Pu Donny Lalriatsanga kalkhawmte lawmna thu a sawi  a. Mizoram sawrkarin Bâna Kaih (Handholding Policy) a kalpui mekah Lawngtlai District chhunga Sawhthing, chingtuten harsatna leh buaina liam tham sawi tur awm lo a, hlawk leh man man zawka phase I leh phase II a an hralh thei chu lawmawm a tih thu a sawi a. a.Tun dinhmun ah Sawhthing bikah Nodal Department - ten an vil tha a, kumin 'target' ai a sang tharchhuah leh hralh a ni tur chu lawmawm a tih thu a tarlang. Bawrhsap chuan kut hnathawktute hmasawnna turin officials kalkhawmte chu tha thlah lova tan la zel turin a chah nghal bawk a ni.

Pu Caleb Vanlalrinngama, ADAO, leh  DAMC Member Secretary aiawh chuan report pekna a nei a. Kuminah Sawhthing lei thawhkhatna chu  February ni 2 atanga tanin May ni 30 thleng Lawngtlai district-ah lei a nih tur thu a sawi a. Lawngtlai District-  ah tun dinhmuna Sawhthing thar chhuah hi 7200 quintals niin Sangau SCC atangin 4200 quintal hralh tawh a ni a, Lawngtlai SCC, Siachangkawn SCC leh Bungtlang SCC ah 3000 quintals la hralh tur a awm mek tih a tarlang a ni.

Vawiin Lawngtlai District Agricultural Marketing Committee (DAMC) thutkhawmah hian DAMC Member- te an telkim tha hle a, Pu Donny Lalruatsanga, Deputy Commissioner, Lawngtlai chuan lawm thu sawina neiin hun a khar.