Lawngtlai District mipui, Bank Account la nei lo zawng zawngte'n awlsam taka Account an hawn theih nan December ni 15, 2016 hian Lawngtlai District chhung Block tinah Bank Account Hawn Runpui (Grand Bank Account Opening Mela) buatsaih a ni dawn a. Lawngtlai khawpui chhung tan chuan LADC Hall-ah buatsaih tum niin, hetah hian Bank hrang hrangte chuan Account hawn theihna tur hmun an buatsaih ang a, mahni duhna ber Bank-ah Account hi hawn mai theih a ni ang. Hemi rual vek hian Block dangah pawh a rem dan ang zela buatsaih a ni bawk ang.

District thuneitute chuan District chhung mipui, Bank Account la nei lo zawng zawngte chu he hunah hian Account hawng vek turin a ngen a. Account hawng turte chuan Ration Card (original & photocopy), Aadhaar Card/Photo ID Card (original & photocopy) leh passport size thlalak pahnih ken tur a ni.