Vawiin hian Lawngtlai District AH & Vety Officer Dr. Lalnunhlima Ralte chuan Lawngtlai District chhung khaw hrang hranga NLUP hnuaia Vawkvulh thlangtute hnena sem tur Vawkno 504 leh a enkawl zui nghalna tur Rs 25.2 lac chu a vai liam.

Heng vawkte sem turte hi nlup hnuaia Vawkvulh thlangtu chhungkaw 126 te hnenah pali theuhna sem tur a ni a, a dawngtu turte chenna khuaah theuh phurh thlen tur a ni a, Lawngtlai District chhunga AH & Vety a thawkten an buaipui dawn a ni. A dawngtu tur khua leh a dawng tur zat chu a hnuai a mi ang hi a ni.

1. Bungtlang South Centre = 54 Beneficiaries

2. Chawngte P Centre = 28 Beneficiaries

3. Siachangkawn Centre = 31 Beneficiaries

4. Sangau Centre = 13 Beneficiaries

TOTAL = 126 Beneficiaries

Heng vawk notete bakah hian a enkawl chhunzawm nghalna tur Rs 20,000/- theuh pek nghal an ni a, chumi atan chuan pawisa Rs 25,20,000/- pek chhuah a ni bawk.

Dr. Lalnunhlima Ralte chuan NLUP vawkte an sem chhuahte chu an him dam tha hlawm hle a a hriat thu sawiin tluang taka a dawngtuten an vulh zui theih nan duhsakna a hlan bawk a ni.