Tun thla December ni 6, 2016 atang khan Lawngtlai District chhunga kal pawh harsa zual bik khua (hard to reach areas)-ah te Health Department chuan nu nau pai leh naupang tan hri danna (vaccine) pek beihpui an thlak.

Hemi atan hian Lawngtlai DC Dr A. Muthamma IAS chuan Lawngtlai CMO kutah mamawh phuhruk nan Rs 50,000/- a hlan a. He special programme hnuaiah hian fur laia kea kal ngai leh lawnga kal ngai khuaah te hri danna hi pek a ni a. Hemi rual hian ASHA-te hnenah an hna thawhna hmanrua leh damdawi dahna tur bawm sem nghal a ni bawk.

Lawngtlai District chhungah hian Health Department hian khaw 174 enkawl mekin, chu’ng zinga khaw 74 bawr vel chu fur chhunga kal pawh theih loh an ni.