2223/2023-2024

Lawngtlai dated 9th October 2023: India zalenna kum 75-na lawmna pual a ‘Meri Maati Mera Desh Campaign’ kalpui chhunzawm zel niin vawiin chawhnu khan Lawngtlai DC pisa tualzawl ah Lawngtlai district chhung a khaw hrang hrang atanga lei lak te chu chhunkhawm a ni a. Heng lei lak khawmte hi Karavya Path hmun ah Martar-te Huan,’Amrit Vatika’ siam nan hman a ni ang.

Hun kaihruaitu Pu Abraham Beirazi Khithie, Addl. DC chuan thangthar ten zalenna hlutna an hriat chian deuh deuh theih nan leh mi tin thinlungah ram hmangaihna leh inpumkhatna tha siam a nih zel theih nan ‘Meri Maati Meri Desh Campaign’ chu kalpui a nih thu a sawi a. India ram chu hnam, tawng, khawsak phung leh ziarang in ang lo tak tak chenna ram ni mah se ram pakhat a cheng ho kan nih angin inpumkhatna leh inlungrualna tha tak neih a pawimawh thu a sawi.

He hun ah hian khaw hrang hrang atanga lei lak khawmte chu Pu Abraham Beirazi Khithie, Addl. DC chuan Block Development Officer-te hnen atangin lo dawngin hmun khat ah dahkhawm a ni a. Martar-te huan, Amrit Vatika siam nan Delhi-ah thawn thlak a ni ang. Lawngtlai district chhung a BDO-te bak ah SDO(S), DRDO, DIPRO leh Nehru Yuva Kendra atangtein he hun hi an lo telpui bawk a ni.