National Electoral Rolls Purification (NERP) 2016 chungchangah nimin (June 9) tlai dar 4 khan Lawngtlai District chhunga Electoral Registration Officer (ERO) leh Assistant Electoral Registration Officer (AERO) te tan DC Conference Hall-ah training buatsaih a ni.

Training hi Additional DC Pu R.Lalsangluaia'n kaihruaiin, District Level Master Trainer Pu Vanlalchhuanliana, SDC chuan training a pe a. NERP chungchanga hma lak dan tur inhriattirna leh sawi hona hun hman nghal a ni a. Election Commission of India-in August 31, 2016 hmaa NERP hi zo fel vek tura a tih angin a hun chhung hian felfai taka zawh hman tum ni se, an ti.

Nimin training-ah hian Election Officer Pu Lalhmansanga bakah, Lawngtlai District chhunga ERO leh AERO te an tel tha hle.