Vawiin hian Central YLA Hall Lawngtlaiah NLUP Thawhhnihna Second Instalment sem runpui inkhawm buatsaih a ni a, Parliamentary Secretary Pu. H. Zothangliana, Lawngtlai East MLA ni bawk chu khuallian niin Pu C. Ngunlianchunga, CEM, LADC chu khual zahawm a ni.
Thu sawiin khuallian Pu H. Zothangliana chuan NLUP chu India sawrkar mai nilo khawvel sawrkar inzawmkhawm UNO hnuaia Food and Agriculture Organisation hriatpui leh a tuipui em em a nih avangin tih mai maia kalpui chi a nilo a ti a. NLUP dawngtu mipuite chu theihtawp chhuaha hlawhtlinpui tum ngei turin a chah a ni. NLUP vanga Mizoramin hmasawnna rahbi thar a rah mekte tarlangin a rah seng mai tur tam tak a awm mek thu sawiin NLUP avanga Agriculture sectora kan sum hman that avangin Central sawrkar pawhin RKVY a hman tur sum tam tham tak min pek belh phah a ni a ti bawk.
Khualzahawm Pu C. Ngunlianchunga pawhin thusawiin Lawngtlai District hian tun sawrkar chhungin thiltha kan dawng nasa em em a Council hming pawhin lawnthu ka sawi ani a ti a, NLUP dawngtu mipuite chu taima taka thawka faktlaka an sum leh pai an dawnte hmang turin a chah bawk a ni.
He inkhawm kaihruaitu Lawngtlai District Bawrhsap Pu. J. Hmingthanmawia pawhin NLUP anga sawrkar atanga mipuiten sum leh pai an dawn tamna policy a vang hle tih sawiin zoram mipuite kan nihlawh hle a ni a ti a, a dawngtuten tha tak leh dik taka an hman ngei a beisei thu a sawi bawk.
Vawiin hian Lawngtlai khawpui chhunga NLUP thawhhnihna dawngtu mi 433 te hnenah Line Department 7, Agriculture, Horticulture, Fisheries, Sericulture, Soil Department, Vety leh Industry atangte a sem a ni a. Kalkhawmte hmaah hian Khuallian leh Khualzahawm hian a dawngtu turte kutah an hlan a ni.
