4958/2025-2026

Lawngtlai, the 23rd March, 2026 : Vawiin chawhma dar 11:00 AM khan DC's Conference Hall, Lawngtlai ah Pu Donny Lalruatsanga, Bawrhsap leh Chairman, District Disaster Management Authority ni bawk kaihhruainain Lawngtlai District Disaster Management Committee thutkhawmna neih a ni.

Bawrhsap Pu Donny Lalruatsanga chuan member kalkhawmte hnenah lawmthu a sawi a. Sik leh sa hi a mumal tawh lo a, kumtin hian hrilh lawk a har em em a, kumin ah engtiang in ngei ruahtui kan dawn dawn hriat a ni lo a, in hmakhua a ngai a ni, a ti. A pawimawh ber leh a hnar kai tu ber VC, CYLA, Branch YLA leh NGOs dangte mawh min lak sak tu kan kut ke te an ni tiin, thawhhona tha nen eng chhiatna thlengah pawh hmachhawn ho a tul a, a bik takin SDRS 3rd IR - te an awm hi a vanneih thlak hle a ni a ti bawk.Chhiatna lian lei min tam tak a thleng thei reng a ni tiin, State Sorkar department hrang hrang, LADC lam leh NGOs- te inkarah thawhhona tha a awm zel a beisei tih a sawi. Bawrhsap chuan fur lo thleng tur atana inbuatsaihna tha a pawimawh tih tarlangin, DDMA chuan theihtawp a chhuah zel tur thu a tarlang bawk.

Vawiin thutkhawm ah hian Line Department-PWD, PHE, P&E, CMO leh DRDO ten chhiat tawh a hmanrua hman theih tur an neih te report pek a ni a, detail report hi District Disaster Management Authority ah thehluh nise tih a ni a. Zonal Officers/Incident Commanders - te ruat thar nise tih a ni a, District Emergency Operation Center (24 x7) buatsaih fel a ni thu report a ni bawk. VCs leh NGOs ten Chhiatrupna Prompt Report DDMA ah report vat thin ni se tih a ni a, In luah ngam tawh loh Chhiatna thlen mai thei awm te report ni se tih niin tun dinhmunah Pu H Lalnghakzuala In, Council Veng a mi chu thiat nise tih a ni. BDOs leh Zonal Officers ten an area chhunga chhiatna thlen hlauhawm thei turte endik nise an ti a, Tui luanna felfai lo chu chhiatna thlenna chhan tam ber a nih thu sawiin, khawchhung side drain leh bawlhlawh paih endik chu March thla chhungah neih se tih a ni a. Tul leh pawimawhah District Disaster lam atangin thuchhuah neih ni se tih a ni. QRT - Training buatsaih nise, Department tinin Disaster Management Plan, School Safety Plan, Emergency Plan neih nise tih niin, a tam thei ang bera 'awareness' inpek ni se an ti bawk.

Bawrhsap chuan chiatna thlengah leh invenna kawngah hawhhona tha nei tura  kalkhawmte sawmin,  lawmthu sawina neiin thutkhawm hi a khar a ni.