2692/2026-2027

Lawngtlai, 15th October 2026 : Vawiin khan Lawngtlai District Level Commitee on Disability chuan an Chairman leh Bawrhsap Pu Donny Lalruatsanga kaihruaiin a Office Chamber-ah  thutkhawm an nei.

Pu Donny Lalruatsanga chuan Member-kalkhawmte chibai bukna a nei hmasa a. Rualbanlote hmakhua ngaia an hamthatna tura thawh a pawimawh tak zet tiin, hemi kawnga theihtawp chhuah turin a chah a. Persons With Disabilities (PwDs) tana 'Assesment and Certification Camp' neih a pawimawh tak zet tiin, hmalak a nih tur thu a sawi a. State sawrkarin Pwds tana hamthatna a siam leh hmalakna tura a duante Lawngtlai District- ah chak taka kalpui a nih tur thu a sawi bawk.

Social Welfare Department atanga report ngaihtlak niin, Lawngtlai District- ah Indira Gandhi National Disability Pension Scheme (IGNDPS) hnuaiah beneficiary - 53 awmin, Financial Assistance under State Fund hnuaiah benefiary - 10 an awm mek a ni.

Thutkhawmah hian Rualbanlote hamthatna tur kawng hrang hrang  sawiho a ni a. Lawngtlai District- a rualbanlo ten Unique Disability ID for Persons with Disabilities (UDID) Card an neih vek theih nan hmalak chhunzawm ni se an ti a. Kumin chhung ngeiah Lawngtlai khawpui  tan 'Special Camp' neih ni se, hemi atan hian Specialist Doctor -te ngaihtuah sak ni se an ti a ni. Rualbanloten awlsam zawka Office an dawr theihna tura hmalak ni se, hemi atan hian DC Office - ah bul tan ni se, mamawh ang angte Directorate, Social Welfare Department - ah thlen ni se an ti a ni. Rualbanlote harsatna sutkianna turin Nodal Officer - ruat ni se an ti bawk a ni.

Thutkhawmah hian Lawngtlai District Level Commitee on Disability - te an tel kim tha hle a, Bawrhsap chuan lawmthu sawiin hun a khar.