2693/2026-2027

Lawngtlai, 15th October 2026 : Vawiin khan Lawngtlai District Tourism Destination Management Commitee (DTDMC) chuan Pi TT. Beikhaizi, Additional Deputy Commissioner kaihhruaiin a Office Chamber- ah thutkhawm an nei.

Pi TT Beikhaizi  chuan Member- kalkhawmte chungah lawmthu sawiin, Lawngtlai District- in zin mite tana hmun tlawh nuam a neihte theih ang anga cheibawl that a tul hle a ti a. Lawngtlai District- ah zin mite tlawh thin hmun tha tak tak a awm a, chutih rualin DPR mumal siam a ngaih dawn avangin a hmun thlak turah fimkhur a tul hle a ti. Chief Minister's Tourist Destination Challenge 2026 - ah Lawngtlai District- in dinhmun pakhatna a hauh theihna tura theihtawp chhuah turin Commitee Member - te a sawm nghal a ni.

Pu Lalhruaizela, SDC chuan Chief Minister's Tourist Destination Challenge 2026 - kalphung tlangpui sawizauna a nei a. DPR siam nan District - tinah Rs.2,  20,000  pek a nih tur thu sawiin, November ni 20 hmain DPR hi Directorate, Tourism - ah thehluh tur a nih thu a sawi a ni.

DTDMC chuan Chief Minister's Tourist Destination Challenge 2026 - atan theihtawp chhuah ni se an ti a. Lawngtlai District- in zin mite hmun tlawh nuam a neih zingah Bawinu (Lungmak) chu lungrual taka thlanchhuah a ni a. Hemi atan hian DPR mumal tak siam a tul tiin, theihtawp chhuaha hmalak chhunzawm zel ni se an ti bawk.

Thutkhawmah hian Lawngtlai District Tourism Destination Management Commitee (DTDMC) - te an tel kim tha hle a, Addl. DC chuan lawmthu sawiin hun a khar.