2694/2026-2027

Dated Serchhip, the 15^th October, 2026: Vawiin khan Land Revenue & Settlement Minister Pu B. Lalchhanzova chuan Thenzawla sawrkar hmunhma thawm that leh hmasawnna hna thawh mekte a tlawh.

Minister Pu B. Lalchhanzova chuan mikhual, tourist leh VIP te tana hmunhma tha zawk neih a pawimawh thu sawiin, mipuite tana office dawr nuam zawk a awm theih nan te, hunpui leh function pawimawh pawh dawl zo thei tur leh sawrkar inrelbawlna a chak lehzual theih nante, sawrkar hmunhmate thawmthat mek a nih thu a sawi a; Thenzawl chu khualzin mite hiptu ram dang mite pawhina an tlawh nasat leh Mizoram khaw pawimawh tak a nih angin, sawrkar hmunhma tha, thianghlim leh felfai tak neih a pawimawh thu a sawi bawk.

Northeast-a a hmasa ber ni tur Thenzawl Heliport sak mek te, Thenzawl venglaia SDO (Civil) quarters sak tur leh Kanan venga Office sak that mekte Minister hian a tlawh a, hmalak zel dan turte sawi ho niin, hna thawktute chu rinawm leh thahnemngai taka thawk turin a chah bawk.

Minister hi SDO (Civil) Thenzawl, PWD Building Division-a Engineer leh Architect te, DIPRO Serchhip leh sawrkar official dang ten an tawiawm a ni.