1515/2026-2027

Lawngtlai, 24th July 2026: Vawiin khan Lawngtlai bawrhsap Pu Donny Lalruatsanga kaihhruaiin District Level Committee on Pradhan Mantri Matsya Sampada  Yojana (PMMSY) 2.0 chuan DC Office Chamber-ah thutkhawm an nei.

Pu Donny Lalruatsanga chuan kalkawmte hnena lawmthu sawina a nei hmasa a. PMMSY 2.0 hnuaiah Sangha khawitute tan a  hamthatna hrang hrang awmte tha taka kalpui a pawimawh hle a ti a. Lawngtlai District- ah Sangha khawi hmanga eizawng an awm nuala, heng mite tan hian sawrkar chuan theihtawp a chhuah chhunzawm zel dawn tih a sawi. Bawrhsap chuan PMMSY 2.0 hmanga eizawnna ngelnghet siam tur leh  District dangte entawn tlaka thawk turin Sangha khawitute  a chah nghal bawk.

Pu Lalhmunsanga, DFDO chuan report pekna a nei a.  PMMSY 2.0 hnuaiah Sangha dil thar siam tura dilna - 621 lutin, a hmunah  endik a nih hnuah  mi - 171 te chu thlanchhuah phawt an ni a, Final Verification - neih a nih hunah Sangha Dil thar 34.46 Ha-  a zau siam a ni ang a ti.

Thutkhawmah hian thil pawimawh tak tak sawiho a ni a. Mizoram sawrkar  leh LADC - ten PMSSY an kalpui ve ve avangin, tanpuina indawnthuah awm lo turin, LADC lamte Meeting - ah lo tel thin se an ti a. Beneficiary - thlan kawngah fimkhur a tul hle tiin, uluk taka 'Final Verification' neih ni se an ti a ni.

Vawiin thutkhawmah hian District Level Committee Member - te an tel kim tha hle a, Bawrhsap chuan lawmthu sawiin hun a khar.