4236/2025-2026

Lawngtlai, 30th January, 2026 : Vawiin chawhnu dar 1:00 PM khan June ni 11- a Lawngtlaia 'Green Mizoram Day 2026' hman dan tur relin 'Lawngtlai District Level Committee on Green Mizoram 2026' chu Bawrhsap Pu Donny Lalruatsanga leh Chairman, District Level Committee on Green Mizoram nibawk kaihruaina in an thukhawm.

Pu Donny Lalruatsanga chuan member- te hena lawmthu sawina a nei hmasa a. Thingphun leh enkawl chhunzawm hi a pawimawh hle a, department zawng zawng bakah khawtlang hruaitu leh mipuiten theihtawp chhuah tlan a tul hle a ni, a ti. Bawrhsap chuan Lawngtlai District - mawi leh chhenfâkawma siam turin uar zawka thing phun a tul tak zet tih a sawi a. Bawrhsap chuan Lawngtlai mipuite uar zawka thingphun thin turin a chah nghal bawk.

Pu K. Lalromawia, DCCF,LADC leh Member Secretary, Lawngtlai District Level Committee on Green Mizoram chuan kum hmasa a Green Mizoram Day hman dan tlangpui report a pe a. Thutkhawmah hian Green Mizoram Day 2026 hman dan tur kawng hrang hrang sawiho a ni a, Green Mizoram Day 2026 ah Department hrang hrang ten thingtiak phun leh nise tih a ni . Thingtiak phun tur tam zawk hi Thlado leh 'Mesua ferrea ( Herhse)' Mizoram State Tree, a ni ang a, a phunna hmun leh Thingtiak phun tur hi Environment, Forest & Climate Change Department, LADC ten lo buaipui se tih a ni bawk. Nikum lama Thingtiak phun enkawl chhunzawm dan tur sawiho niin, a phuntu department ten hmalak ni se, February ah hnim samfai leh hna tul dangte thawh ni se, report thehluh nise an ti a ni. Green Mizoram Day 2026 hman dan tur kimchang chu a hun dawn a tichhuah tura tih a ni bawk. Kum danga lo tih thin tawh angin, Green Mizoram Day - ah hian kangmei chhuak tur ven kawnga thawk tha khuate hnenah 'Village Level Fire Prevention Award 2026' hlanna neih nise tih a ni a, endik hna thawk turin Convener-Pu K Lalromawia, DCCF, LADC, Member Secretary, Lawngtlai District Level Committee on Green Mizoram niin, Member atan - Deputy Conservator of Forest, Chhimtuipui Wildlife Division, Lawngtlai MJA leh President, Village Council Association -te ruat an ni.

Vawiin Lawngtlai District Committee on Green Mizoram  thutkhawmah hian Member- te an tel kim tha hle a, Pu Donny Lalruatsanga, Chairman, Lawngtlai District Level Committee on Green Mizoram 2026 chuan lawmthu sawina neiin hun a khar.