4235/2025-2026

Dated:Mamit the 30th of January, 2026 : Vawiin khan DC Conference Hall, Mamit-ah Aspirational District leh Block hnuaia kalpui tur Sampoornata Abhiyan 2.0 chu Pi Carolyn LB.Khiangte, Addl. DC Mamit chuan a hawng.

Pi Carolyn LB.Khiangte chuan India ram chhunga District 112 leh Aspirational Blocks 513 a kalpui tur Sampoornata Abhiyan 2.0 chu Mamit District-ah pawh kalpui a ni dawn a, he hmasawnna hna kalpuina turah hian Line Department te leh khawtlang hruaitu, tlawmngaipawlte nena thawhhona tha tak hnuaia hmalakna kalpui tura inbuatsaih tura chahin, Mamit District chhungah leh Reiek RD Block huam chhungah kalpui a nih dawn thu a sawi a, nikum lama Sampoornata Abhiyan 1.0 kalpui tawh dan leh Line Department hrang hrangte kaltlanga hmasawnna awmte a lem nen a tarlang bawk.

Pi Lalchhandami, SDC Mamit pawhin Sampoornata Abhiyan 2.0 Ni 28th January leh 14th April, 2026 chhunga kalpuina tur a lem nen tarlangin Health & Nutrition, Education leh Agriculture hnuaia Line Department te hmalakna tur tlangpuite a tarlang a ni.

He hunah hian Line Department Health, ICDS, Education leh Vety Department atangin hmalakna kalpuina tura ruahmanna an siam leh harsatna awm theite an tarlang bawk a ni.

Kalkhawmte hian Sampoornata Abhiyan 2.0 Ni 28th Jan to 14th April, 2026 kalpuina tura hlawhtlinna hmel hmuh a nih theih nana hmala tura intiamrualna thuchham an nei a ni.

Sampoornata Abhiyan 2.0 28th Jan to 14th April, 2026 hawnna hunah hian Line Department te bakah Front Line Workers, khawtlang hruaitu leh Tlawmngaipawl aiawhte an tel a, District chhung hmun dang atangin he hmalakna in a kaltlang tura mawhphurhna nei te'n Online kaltlangin an chhim bawk a ni.