No.7520/2020-2021

Lawngtlai khawpui chhunga in hmun lai thenkhatin paih phal lohna hmunah leivung an paih thin avang leh in hmun laih leh leivung paih te'n chhiatrupna (leimin) a thlen theih avangin, chhiatrupna thleng thei laka inven nan Lawngtlai District Magistrate Dr Andrew H. Vanlaldika chuan February ni 11, 2020 atanga hman tan turin Disaster Management Act 2005 section 30 (v), (xx) leh (xxiii) te tlawh chhanin in hmun lai zawng zawng leh an awmna village council te zawm tur a hnuaia mi ang hian thupek a chhuah.

1. In hmun lai tur zawng zawngte'n hna an tan hmain Deputy Commissioner, Lawngtlai hnenah phalna an dil/la hmasa tur a ni a. Phalna nei hmasa lovin in hmun laih phal a ni lo.

2. Deputy Commissioner, Lawngtlai hnena in hmun laih phalna dil tur reng reng chuan an awmna village council hnen atangin hriatpuina lehkha an la hmasa ang a, an dilnaah an thil tel tur a ni.

3. An dilna lehkhaah chiang takin he'ng hi an ziak lang tur a ni ang:

a) An in hmun laihna tur motor number (JCB, tipper, etc.)
b) Driver hming, address leh phone number.
c) Leivung paihna hmun tur.

He thupek zawm lote chu Disaster Management Act, 2005 section 51-na hmangin hrem theih an ni ang.

Attachment

  • Loading attachment...