Tunlai hian Lawngtlai District chhungah mi tam tak silai (Air Rifle leh silai siam danglam) kengin ramsa leh sava pelin an ramvak thin tih thu dawn niin, hei vang hian ram rohlu leh ecological balance nasa taka tihchhiat a ni a. Thuneitute phalna lova ramsa leh sava tihhlum hi Wildlife Protection Act, 1972-in a phal loh bakah, heti anga ramvak thinte hian thal laiin fimkhur loh leh inthlahdah avanga nasa taka ram an tihkan thin avangin Lawngtlai District Magistrate Dr Andrew H. Vanlaldika chuan vawiin khan CrPC, 1973 section 144-na tlawh chhanin heti ang hian thupek a chhuah.

"Lawngtlai District chhungah mi tu mahin silai leh hmanraw dang hmangin ramsa leh sava an vehin an kap tur a ni lo."

He thupek hian chhuah a nih atanga thla hnih chhung a huam ang a. Thupek zawm lote chu IPC section 188-na leh Wildlife Protection Act, 1972 section 9-na hmanga hrem theih an ni ang.