2668/2026-2027

Lawngtlai, the 14th October, 2026 : Vawiin chawhnu dar 1:00 PM khan Bawrhsap Pu Donny Lalruatsanga kaihhruaiin a Office Chamber- ah 'Nasha Mukt Bharat Abhiyan' hnuaia Drug awareness Campaign - hmalakna kal zela Quiz leh Debate Competition buatsaih dan tur relin thutkhawm a ni.

Pu Donny Lalruatsanga chuan Member- kalkhawmte hnenah lawmthu a sawi a. Nasha Mukt Bharat Abhiyan- chu Ruihhlo that loh zia inzirtirnna (Awareness Campaign) niin Centrally Sponsor Scheme (CSR) a ni a, sum pawh hi 'Ministry of Social Justice & Empowerment' atanga dawn a nih thu sawiin, hemi atan hian State sawrkarin Plan & Activities - a duan zulzuia District Level - ah pawh duan ve a ngai a ti. Bawrhsap chuan Ruihhlo do kawngah thahnem ngai taka  hmalak mek zel a nih thu sawiin, ruihhlo that loh zia inzirtirna neihna tur atan High School leh Higher Secondary School zirlai tan 'Quiz Competition' leh Kohhran thalaite  tan 'Debate Competition' buatsaih a nih tur thu  a sawi a ni.

Thutkhawmah hian Lawngtlai khawpui chhunga High School leh Higher Secondary School - zirlaite tan 'Ruihhlo leh AIDS' tih topics hmangin ni 19/11/2026 dar 1:00 PM pm ah 'Quiz Competition' buatsaih ni se tih a ni a . Lawngtlai khawpui chhunga Kohhran thalai Pawl pariat(8) te tan 'Thangtharte zinga ruihhlo hluar zel chhan hi chhungkuaa inzirtirna tlakchham vang a ni' tih hmangin Dt.11/11/2026 dar 1:00 PM pm ah 'Debate Competition' buatsaih nise tih a ni bawk.  Quiz Competition leh Debate Competition- atan hian mawhphurtu hrang hrang ruat fel nghal a ni a, lawmman atan - Memento leh sumfai pek nise tih niin a hmun atan DC Conference Hall, Lawngtlai nise tih a ni.

Thutkhawmah Superintendent, DC Office; President, MJA Lawngtlai; DEO leh  CMO aiawh bakah khawpui  chhunga Kohhran Thalai hruaitute an tel thei a, Bawrhsap chuan lawmthu sawiin thutkhawm hi a khar.