2521/2026-2027

Lawngtlai, the 6th, October, 2026: Vawiin chawhma dar 11:00 AM khan Lawngtlai District Road Safety  Committee (DRSC)  chuan an Chairman leh Bawrhsap nibawk Pu Donny Lalruatsanga kaihhruaiin a Office Chamber-ah thutkhawm an nei.

Pu Donny Lalruatsanga chuan Member- te chibai bukin Supreme Court- thuchhuak bawhzuia thutkhawm neih a nih thu a sawi a. Lirthei accident - tih hniam bakah kawngpui himlo laite  zirchiana a tul anga hmalak a ngaih thu a sawi a. Supreme Court - thuchhuak anga chak taka hmalak a nih tur thu sawiin, 'System Of Procedure (SOP)  for Prohibition and Enforcing Illegal Parking on National Highway (NH-02 & NH-502 A) in Lawngtlai District' duan chu a rang   lama sawrkara thehluh a nih tur thu sawiin, Commitee Member - te theihtawp chhuah turin a chah nghal bawk.

Thutkhawmah hian thil pawimawh tak sawiho a ni a. National  Highway - a hman tur 'System Of Procedure (SOP)  for Prohibition and Enforcing Illegal Parking on National Highway (NH-02 & NH-502 A) in Lawngtlai District' duan chu thlirho niin  a rang   lama sawrkara thehluh  ni se an ti a. Enforcement Squad Committee- ten October thla chhungin checking neih nise, chak zawkin hma lo la se an ti bawk a ni. Lawngtlai District a- Police department, Medical department, PWD department leh Transport Department te NIC hnuaiah (iRAD)/e-DAR chungchangah training neih nise tih a ni bawk.

Thutkhawm-ah hian Lawngtlai District Road Safety  Committee (DRSC) Member- te an tel tha hle a, Bawrhsap  chuan lawmthu sawiin hun a khar.