2520/2026-2027

Lawngtlai, the 6th October, 2026 : Vawiin chawhma dar 10:00 AM  khan DC Conference Hall- ah 'Swachhata Hi Seva Campaign' hnuaia 'Thematic Art Competition' High School/ Higher Secondary School leh Higher Institutional tana buatsaih result puanna neih niin Bawrhsap Pu Donny Lalruatsanga chuan lawmman semna neiin a hmanpui.

Pu Donny Lalruatsanga chuan DPO, UD&PA, Zirlai naupang leh Media kalkhawmte chungah lawmthu a sawi a.Fainna hi a pawimawh em em a, faina leh changkannna hi thil inzawm tlat a ni, a ti. District khawpui fai inelna turah   theihtawpa hmalak mek a ni a,  fai ber nih kan tum a ni, a ti. LADC nen theihtawp  chhuahho  mek  niin heihian rah tha a chhuah a beiseiawm a ti.  CYLA leh VC tin ten hnatlanga  khawpui tihfai tum mek a ni a, khawpui cheimawi kawngah pawh Lawngtlai District chhunga department-te nen tangkawpa pui ruahmanna siam  nih thu a sawi. Bawrhsap chuan Zirlaite chu lawmman dawn  piah lamah chhungrila  fai duhna tak tak nei turin a fuih a,lawmman dawngtute lawmpuiin duhsak a hlan nghal bawk.

Pu Collin Hlychho, DPO, UD&PA chuan result puanna a nei a. India rama faina kawnga hmalakna (Clean India) peng pakhat a ni a,  chumi hnuaiah chuan 'Thematic Art Competition' - Faina leh thianghlimna lam lemziak inelna buatsaih niin zirlai ten an ngaihpawimawhna leh inelnaa  an tel avangin lawmthu a sawi a.Chhungkua leh khawtlangah fainna leh thianghlimna ngaipawimawh thar theuh turin a sawm bawk  a ni.

Swachhata Hi Seva Campaign- hnuaia 'Thematic Art Copetition' buatsaih hi  High School/ Higher Secondary School leh Higher Institutional Category ah then a ni a. Lawmman dawngtute chu -

High School/Higher Secondary School Category -

Pakhat na -   Esther Vanlalhriatpuii, Govt. Region Higher Secondary School (Citation + Rs 3,000)

Pahnih na - Sarah NT Rohlupuii,  Downtown English School ( Citation + Rs 2,000)

Pathum na- Tluangneihmawii, Jehovah Jireh English School ( Citation + Rs 1,000)

Higher Institutional Category -

Pakhat na - Nancy Zothanpari, ANM School (Citation + Rs 3,000)

Pahnih na -  N. Lalkhawngaihsangi, Lairam Nursing School ( Citation + Rs 2,000)

Pathum na - Lalzarlawma, DIET Lawngtlai ( Citation + Rs 1,000)

Pu Hruaizela, SDC Lawngtlai chuan lawmthu sawiin hun a khar.