56/2026-2027

Lawngtlai, the 7th April, 2026 : Vawiin chawhma dar 11:00 AM khan Deputy Commissioner's Chamber, Lawngtlai-ah Bawrhsap Pu Donny Lalruatsanga kaihhruaiin Lawngtlai District Road Safety Committee thutkhawmna neih a ni.

Bawrhsap Pu Donny Lalruatsanga chuan member leh sawm bik kalkhawmte hnenah lawmthu a sawi a. Bawrhsap chuan Khawpui hmel lanna ber Faina leh Traffic Management- ah tan kan lak a ngai hle tiin LADC lam te nen thawk dunin mipuite an hrisel zawk nan leh kan him zawk nan tunthla tawp lamah Faina leh Traffic Management lama hmalakna lian tak hawn a nih a nih tur thu a sawi a. LADC- in Parking mumal leh felfai tak a awm theih nan a hmalakna an kalpui mek chu lawmwm a tih thu a tarlang bawk a ni. Bawrhsap chuan VC, NGO, YLA leh mipuite chu sawrkar thlawp leh thawhpui turin a sawm bawk a ni. Pu Donny Lalruatsanga chuan Lawngtlai khawpuia traffic leh Parking- a lo felfai a, faina leh thianghlimna kawngah rahbi thar kai turin chak taka hmalak a nih tur thu a sawi a ni.

Vawiin thutkhawm ah hian thil pawimawh leh hmalakna tur sawi ho niin Lawngtlai khawpui chhung kawng sir a insakna burua leh thildang dahte pawh mumal taka 'terms & conditions' siama, District Magistrate hnenah Permission dil nise, hemi chungchang ah hian thupek pawh chhuah nise tih rel a ni a. Road Protection Squad- ten thlakhatah vawi khat tal endikna neih thin nise tih a ni. EFCI Gowdown, Council Veng panna kawng chep tak chu LADC lam te nen a en ho a, hmalak dan tur thlirho nise tih a ni a. Bazar Veng leh Chandmary Square- a kawng sir a chawhmeh zuar kawng dunga thu thinte mumal zawka enkawl an nih theih nan ngenna LAD, LADC- ah committe- hmingin in thlen ni se an ti a. Chandmary Square - ah traffic - a tawt thin thin hle tih pawm tlangin, Traffic Police - ten an vil uluk deuh theih nan ngenna thlen ni se tih a ni. Lawngtlai khawpui hmasawnna tura atan a thupek chhuah thin chu chak zawka bawhzui ni se an ti a. DTO lam pawh in 'Motor Registration' ti turte ' garage'an neih leh neih loh te endik bakah Lirthei Document leh License endik leh check kawngah chak zawkin hma lo la se an ti bawk a ni.

Thutkhawmah hian Lawngtlai District Road Safety Committee Member-te leh Sawm bikte an tel kim tha hle a, Pu Donny Lalruatsanga chuan lawmthu sawiin thutkhawm a khar a ni.