Vawiin khan Lawngtlai District Water & Sanitation Committee (DWSC) chu Lawngtlai DC Conference Hall-ah an Chairman, Lawngtlai Bawrhsap Dr Arun T., IAS hovin an thu khawm a. Lawngtlai District chu ODF-a puan a nih theih nan zirna in zawng zawnga inthiarna saksak leh tui pek dan tur an sawi ho.

Lawngtlai District chu ODF-a puang turin sikul zawng zawngin toilet an neih a ngai a. Hemi atan hian committee chuan Lawngtlai district thingtlang khuaa sawrkar sikulte dinhmun zir chiang turin inspection team din a rel a. He team-ah hian DEO, LADC & CADC Education Dept, CYLA/CYCA, LSA/CSA leh PHED ai awhte chu member an ni ang a. Thingtlang sikula toilet nei leh nei lo report chu March ni 5, 2018 hmain Lawngtlai Bawrhsap hnenah theh lutin, hemi report behchhan hian hma lak zui dan tur rel a ni ang. Inspection team hian toilet survey mai bakah, school management committee dinpui leh IEC activity neihpui te pawh an hma tel dawn a ni.