1437/2026-2027

Lawngtlai, 17th July 2026 : Vawiin khan Lawngtlai District Water & Sanitation Mission (DWSM) chuan DC Conference Hall-ah thutkhawm an nei a. Pu Donny Lalruatsanga, Chairam leh District bawrhsap nibawk chuan a kaihruai.

Pu Donny Lalruatsanga chuan kalkhawmte hnena lawmthu sawina a nei hmasa a. PHED- ten 'Swachh Bharat Mission (Gramin)' leh 'Jal Jeevan Mission' kaltlanga hmalakna an neihtr  fakawm a tih thu a tarlang a. Faina leh thianghlimna bakah tui thianghlim pekchhuah kawngah Lawngtlai District- mipuite mamawh ang taka hmalak chhunzawm zel a tul hle tiin, hma lam hunah theihtawp chhuah a tul hle a ti a. Vantlang mipuite tana siam- Water Tanky, Solar pump, Community Sanitary Complex, Compost pit, Soak pit leh Plastic Collection Centre- te enkawl leh vawnfai kawngah mipuite theihtawp chhuah zel turin a sawm bawk.

Er. Lalnunfela, EE, PHE leh Member Secretary - nibawk chuan DWSM hnuaia hmalak tawhna tlangpui sawizauna a nei a. JJM kaltlangin In - 27,159 hnenah Functional Household Tap Connection ( FHTC) pek tawh niin, za a za hlawhtlinna a awm tawh a ti a. Swachh Bharat Mission (Grameen) hnuaiah IHHL - 27, 753 Units, Community Sanitary Complex - 56 Units,  Community Compost Pit & Soak Pit - 187 Units leh Plastic Collection Centre - 157  Units sakzawh tawh a ni, a ti a.  Plastic Waste Management Unit - chu  hmun li (4)  ah sak mek a nih thu a tarlang bawk a ni.

Thutkhawmah hian hmalakna hrang hrangte sawiho a ni a. Tun dinhmuna hmalakna awm ang angte  chu tha ti tlangin, thahnemngai taka thawhho zel ni se an ti a. JJM tha taka kalpui a ni thei chu lawmawm tiin, JJM 2.O- ah thawm that ngai leh hmalak ngaihna awm ang angte uluk leh tha taka kalpui ni se an ti a ni.

Vawiin thutkhawmah hian Lawngtlai District Water & Sanitation Mission, Member- te an tel kim thei a, Pu Donny Lalruatsanga chuan lawmthu sawiin hun a khar.