Vawiin hian Lawngtlai DC Conference Hall ah City Mission Management Unit, NULM Cell, UD & PA Department chuan Lawngtlai khawpui chhung kawtthlera thil zuara eizawngtute (Street Vendors) tan training a buatsaih.
He Training Lawngtlai DC Conference Halla neih hi Pu Lallawmawma, MCS SDO (Sadar) District Project Officer NULM Cell ni bawk chuan a kaihruai a, Pi Malsawmdawngliani, State Mission Manager, NULM, UD & PA Department chuan NULM hnuaia kawtthler a nitin mamawh zuarte (Street Vendors) tana hamthatna ngaihtuah sak leh hma lak sak tum dan leh The Mizoram Street Vendors Protection of Livelihood & Regulation of Street Vending Acts leh Rules te zirtirna hun a hmang a, Pi V.L Ramnunsangi Manager, Social Mobilization & Infrastructure chuan eitur thianghlim siam lama dan kan neih (Food Safety leh Sanitation) chungchangah zirtirna a pe bawk.
He hunah hian kalkhawmte atangin zawhna leh chhanna hun hman zui ni in, kalkhawm ten an hriatthiam lohte zawt fiahin an harsatna te an sawi a ni. He training ah hian Lawngtlai chhunga Kawtthlera thil zuartu mi 60 vel an kalkhawm a ni.
