Prof. Ramesh Chand, Member NITI AAYOG chuan zan hnih riak turin nimin April 21 khan Aizawl a lo thleng a. Nimin vek khan Environment & Forest Department enkawl Sairang Centre Nursery a tlawh nghal. A rual hian Pu Jitendra Kumar, Adviser (NR&EV), Dr. JP Mishra, Adviser (Agri) leh Pu A. Mularidharan, Deputy Adviser (WR) an lo tel.

Vawiin khan Prof. Ramesh Chand chuan CS Conference Hall-ah Chief Secretary Pu Lalmalsawma, IAS; Pu Lalram Thanga, IFS, Principal Secretary leh PCCF leh Secretary dangte nen meeting an nei a. He meeting ah hian National Bamboo Mission hnuaia hnathawh hrang hrangte leh thil pawimawh dangte an sawiho a. NITI AAYOG Member hian State Museum, Bamboo Retail Outlet leh Hnam Chhantu te a tlawh bawk a, tlai lamah Governor leh Chief Minister te a hmu. Naktuk hian Sihphir a mimal Plantation leh Sakawrhmuituai a Sorkar Plantation te a tlawh bawk ang.