Vawiin chawhnu ah khan Administrative Training Institutes(ITI) hotute kaihruaiin Mizoram Civil Service leh Mizoram Information Service a lut thar ten Raj Bhavan tlawh in Mizoram Governor Lt General Nirbhay Sharma (Retd.) an kawm.

Sawrkar officer training mek te chu Governor Lt General Nirbhay Sharma (Retd.) chuan an zirna chungchang leh an tui zawng te lo zawt hmasa in anmahni a Mizoram sawrkar in a beisei a neih te a lo hrilh. Mizoram hmasawnna atan te, Mizo thalaite kaihruaina kawngah leh sawrkar tha a awm nan sawrkar hnathawk ten mawhphurhna pawimawh tak an nei tih Governor chuan a tarlang a. Sawrkar hnathawk ten hnathawh hun chhung atan zing 9 leh tlai dar 5 piah lam thleng in hun an nei tih an hriat a ngai a ti. Hriselna, zirna, skill development bakah thianghlimna kawnga Mizoram kaihruai hnathawh chu officer lut thar te chuan an mawhphurhna ah la se tun atanga kum 10 lo awm tur atan tihhlawhtlin tur intuk theuh se a duh thu a sawi a. Sawrkar hnathawk tan public relation thiam a pawimawh tel thu tarlang in Mizoram tana theih tawp chhuah turin officer training te chu a lo fuih a ni.

Pi Ramdinliani, Director, ATI leh Angelina Zothanpuii, Jt Director ten probationer te hi an rawn hruai a. ATI training mek , Probationer te hi MCS 10 leh MIS 4 an ni.

Attachment

  • Loading attachment...