Nimin 3.3.16 khan KVK Lawngtlai District chuan RKVY Programme hnuaiah Kawlchaw West a loneitute hnenah an thlai chin pawimawh ber pakhat Theihai leh thlai dangte venhim dan zirtirna an nei.

He training kaihruaitu Dr. Michelle C. Lallawmkimi, Senior Scientist & Head kaihhruaina chuan, KVK chu loneitute tan engtiklai pawha rawn theih an nih thu sawiin inthlahrung hauh lova an harsatnate an hnena thlen thin turin a sawm a. Anmahni tanpui turin mithiam tam tak KVK ah hian an awm reng a ni, a ti.

Nimina Training ah hian Plant Protection Scientist Pi Esther Zonunpuiin Theihai enkawl dan zirtirna a pe a, Pu C. Rualthankhuma, Scientist Agronomy in Alu chin dan leh thlai chin nana leilung buatsaih dan a zirtir thung a, Pi Vanlalruati, Home Scientist in faina chungchang a zirtir thung a ni.

Hemi ni hian KVK hian ran entirna leh thlai entirna free clinic a buatsaih nghal a ni.