Vawiin khan Mizoram Journalists' Association, Lawngtlai District chuan Green MJA Day hmangin, Lawngtlai Press Club chhehvelah thing tiak an phun.

District MJA President Pu ZD Dengngura chuan Green MJA Day hman a nih chhan sawiiin, mipui hnenah chanchinbu hmangin theihtawp chhuahin ramngaw humhalh chungchang zirtirna pek a ni thin a, MJA thupui "Service to the People" tihlawhtling turin thu ziak lam chauha hma la lovin, thiltih nen a theih ang anga tang kawpa hma lak chu Lawngtlai District MJA thil tum a nih thu a sawi.

Vawiina Green MJA Day hmannaah hian thing tiak phun tur hi LADC-a Environment & Forest Department-in tumsakin, MJA chuan a enkawl zui hna a thawk dawn a ni. Lawngtlai District MJA te thing phun hi PHE Department Sr EE, Er Ngentluanga'n telpuiin, ani hian MJA ram leh I & PR Department inrinaah thing tiak a phun a; MJA District President Pu ZD Dengngura'n PHE Department, Lawngtlai Division Office Complex-ah thing tiak hi a phun ve thung a ni.

MJA, Lawngtlai District te hian Green MJA Day hi kum tin hman turin ruahmanna an siam nghal a ni.