3394/2024-2025
Dated Lawngtlai, 6th December 2024 : Vawiin chawhma dar 10 khan Mizoram State Rural Livelihoods Mission (MzSRLM) Lawngtlai RD Block bultumin 'One Day Sensitization Programme on Social Mobilization Campaign' chu BDO Conference Hall, Lawngtlaiah neih a ni a. Pu Collin Hlychho, BDO, Lawngtlai RD Block chuan he hun hi a hmanpui.
Pu Collin Hlychho chuan kalkhawmte hnena lawmthu sawina a nei hmasa a. Lawngtlai RD Block hnuaia scheme hrang hrang kalpui mekah sawrkarin Audit fel fai tak a nei thin tih tarlangin, Scheme in 'Guidelines' a tarlante zawm hram hram a pawimawh hle a ti a. A bik takin khawtlang enkawltu VC- te mawhphurhna a sang hle a, khawtlang leh mipuite tana theihtawp chhuah zel turin chah a. Village Empowerment Coucil (VEC) thawhpuina tha tak nen lo chuan hnathawh a harsa tih sawiin BDO chuan thawhhona tha awm turin a sawm.Scheme hrang hrangte tha leh chak zawka kalpui turin ruahmmanna siam a nih thin thu sawiin, a theih ang ang a lo zawm thin turin VEC te a sawm a ni.
Self Help Group (SHG) te pawimawhna tarlangin Pu Collin Hlychho chuan NGO- te chu SHG thawh turah chauh ngai lo a, an puih theihna kawng apiang a puih fo thin turin a chah a. Sawrkarlaipui leh Mizoram sawrkar atangin lehkha pawimawh leh hmanhmawh thlak tak a lo kal fo a, chutiang hunah pawh chak leh tha tak a a tul dan anga hmalak pui thin turin VC- te a ngen a. Lawngtlai RD Block huam chhungah hmasawnna tha zawk awm tur a hmalak mek zel a nih thu tarlangin, Pu Collin Hlychho chuan VC leh NGO ten thahnem ngai taka an lo thawhhpui tawhnaah lawmawm a tih thu sawin, hmalam hunah pawh tha zawka thawhpui turin a sawm nghal bawk.
Vawiin hun hmanana ah hian Pu H.V.Beihlua, APO, MGNREGA chuan ' Role Of Village Council Members in Mobilization and Convergence ' tih thupui hmangin zirtirna a pe a, 'Overview of MzSRLM, Concept of MzSRLM leh Importance of Stakeholders in Mobilization Campaign' thupui hmangin Pu B. Rorelliana, Cluster Coordinator, MzSRLM chuan zirtina a nei a. Pi C. Lalhmangaihtluangi, Livelihoods Coordinator (Farm) MzSRLM, chuan ' Convergence' pawimawhna sawiin, Pi Melina Lalvenhimi, Coordinator, Skills,MzSRLM chuan DDU-GKY & SBI- RSETI chungchangah zirtirna a pe bawk a ni.
One Day Sensitization Programme on Social Mobilization Campaign - hi Pu Jerry Zirnunmawia, Block Mission Manager, MzSRLM chuan kaihruaiin, Lawngtlai RD Block chhunga VC,YLA, MHIP, YCA, Mahila Samitri leh Village Organization hruaitute an tel tha hle a. Pi Lalsangliani, Livelihoods Coordinator (Non Farm) chuan lawmthu sawina neiin hun a khar.
