No.2734/2021-2022

Khuangchawi thla ni 26, 2021: Vawiin khan Lawngtlai College Venga Lawngtlai Residential Sports School tur sak mek chu Lai Autonomous District Council (LADC)-a Executive Member i/c Sports Pu C. Hrangthianga hovin state leh LADC-a Sports & Youth Services Officer-te, Lawngtlai District Sports Committee (LDSC) leh Lawngtlai District Football Association (LDFA) leh Central YLA hruaitute'n an tlawh a. Hna thawh mek dinhmun an enfiah.

Sports changtu EM Pu C. Hrangthianga chuan Mizoram sawrkar thuneitute hma lakna azara Lawngtlai khawpuiin thalaite awh leh mamawh em em sports school a nei ve tur chu lawmawm a tih thu sawiin, LADC huam chhunga infiam mite leh thalaite ai awhin Mizoram sawrkar hnenah lawm thu a sawi a ni.

Lawngtlai Residential Sports School tur hi PMJVK atanga sak niin, Rs nuai 3461.70 senna tur a ni a. Academic Building, Hostel building 2, Multipurpose Hall, Staff Quarters, Principal Quarters leh Laboratory bakah, Astroturf Football Ground, Basketball Court leh Volleyball Court te a awm dawn a. Lehkha zirna hmun a nih dawn bakah, sports leh nun atana pawimawh hrang hrang zirna hmun a ni ang.