No.5420/2020-2021

Lawngtlai, Mimkut thla ni 25, 2020: Mipuite him zawk nan nimin (24.9.2020) khan Lawngtlai SP charge la mektu, Addl SP Pu C. Lalruatkima chuan Mizoram sawrkar thuchhuah leh MV Act 1988 (Act No. 59 of 1988) section 115-na tlawh chhanin a hnuaia mi ang hian thupek a chhuah.

"Karkawn, Vengpui-II, Lawngtlai atanga LADC office panna kalkawngah hian he thupek chhuah ni atanga thu leh awm hma chuan 2-wheeler leh auto rickshaw bak, lirthei ke pali nei chin leh a chung lam eng chi mah tlan phal a ni tawh lo. He thupek zawm lote chu Motor Vehicle Act, 1988 section 179-na hmangin an chungah action lak a ni ang."