Vawiin khan Lawngtlai a Superintendent of Police thar Zosangliana MPS chuan Lawngtlai Tlawmngaipawl hruaitute leh Media te SP Conference Hall ah a kawm a, district leh khawpui nuam nei tura hmalak puiah a sawm.

Lawngtlai SP thar hian, SP Office Conference Hall ah vawiin khan Lawngtlai a Tlawmngaipawl hruaitute leh Media lam te thingpui inpuiin, inhmelhriat hona a neihpui a, Pu Zosangliana chuan Community Policy tha awm naah khawtlang a nuam thin a, Khua leh District nuam nei turin Police leh ram mipuiten thawhhona tha tak an neih a pawimawh. Hetiang awmna hmun ah thilsual titute manchhuah pawh a awlsam phah hle a ni a ti. Tlawmngai pawl leh Media lama thawkte chu khawpui nuam leh district ralmuang nei tura hmalak puiah SP chuan sawmin, thurawn pek an ngaih naah Police te chu finchhuah thin tur in a ngen. Mizo Society ah Tlawmngai pawl te hmalakna a fakawmin a chhuanawm em em a, Police lam pawhin an tangkaipui hle tih sawiin, tihtur leh tihloh tur ang chi inhrilhhriatna leh zirhona ang chi pawh buatsaih an tum thu a sawi.

Vawiin a inkawm ho naah hian Tlawmngai pawl aiawhte chuan Lawngtlai khawpui leh District chhunga dan leh thupek ken kawhna a chak zawka; Police te chak taka an kal theih nana rawtna an neih te sawi langin a tul dan ang zel a hmalak ho tha an ti tlang a ni.